被人排斥、欺凌

• 相信唔少人都試過感覺被人排斥，甚至被人欺凌。喺呢啲時候，可能真係會覺得自己冇用﹑覺得無助，但又唔敢同其他人講。

• 我哋可以試吓：

  • 睇吓身邊有冇啲信得過嘅人 （例如父母、老師、朋友、社工、輔導員、牧師、教練等），搵佢哋傾吓。

  • 如果覺得唔可以同認識嘅人開口 ，可以搵中立嘅人幫手（例如輔導熱線）。

  • 要知道自己唔係孤單一個人，其實有人好願意關心同聆聽自己嘅傾訴。

  • 記住問題唔一定係自己身上，嘗試積極搵正面嘅解決方法。

  • 減少同欺負自己嘅人面對面交談、或者可以封鎖佢哋嘅社交媒體。如果真係唔可以避免同佢哋接觸，可以考慮離開環境（例如：轉校或轉工作環境）。