點樣可以幫到朋友?

當你嘅朋友遇到複雜或者未能即時解決嘅問題,佢可能會覺得無助,但其實有你陪伴喺佢身邊,同埋聽佢嘅煩惱,對佢嚟講已經係一種好大嘅幫助。

 

如果朋友想搵你傾訴時 …

  • 你哋可以搵個安靜嘅地方坐低,等佢可以放心同你傾訴,講吓佢嘅困擾同煩惱。

  • 你可以喺佢身旁細心聆聽,適時拍拍佢膊頭,以示安慰同埋支持。

 

當朋友搵你傾訴時,係咪一定要俾意見㗎呢?

  • 當朋友搵你傾訴時,好多時候,佢都係想有佢信任嘅人聽佢嘅問題同埋難處。簡單啲講,佢想有人聽佢訴苦多過提供意見。

  • 喺呢個時候,作為朋友嘅你,最大嘅支援就係喺佢身邊,陪佢分憂。

  • 如果你可以運用同理心去明白佢嘅處境,咁就可以更了解佢嘅心情啦!

 

如果你發現朋友好似開始出現咗少少精神病嘅症狀 …

  • 你可以同佢一齊試吓一啲可能有幫助嘅壓力處理方法

  • 如果你都未好肯定佢情況係點,或者嚴重性,而佢又暫時未想講太多,不妨鼓勵佢試吓我哋不記名嘅網上心理狀況評估工具,完成後會有個人分析報告俾返佢,咁你之後都可以再同佢傾傾。

  • 如果覺得真係有少少擔心,想搵專業人士了解吓,但又唔知搵邊個好,都可以鼓勵佢搵我哋傾吓偈

 

如果情況緊急 (例如朋友非常困擾丶甚至有自殺的想法) …