​同身邊嘅人嘅關係

• 每個人都有自己嘅喜好﹑生活習慣﹑待人處事方式﹑價值觀等，所以人與人之間嘅相處都有好多需要互相學習﹑磨合嘅地方。

• 如果想識多啲投契嘅人，我哋可以試吓：

  • 參加多啲群體活動

  • 擴闊社交圈子﹑主動認識新朋友

• 如果同身邊嘅人有衝突嘅時候，我哋可以試吓：

  • 首先深呼吸三下，感受一吓自己可能會有嘅負面情緒（例如：嬲、傷心、失望等），接納自己有呢啲感覺。

  • 認知人與人之間嘅相處總有意見不合嘅時候，讓自己心胸廣闊啲，包容大家嘅不同之處同埋獨特性。

  • 嘗試了解多啲對方，先聽吓對方嘅意見同埋原因，唔駛急於表達自己嘅諗法。先聽取對方嘅諗法可以令佢感受到尊重，可能稍後佢更願意聽我哋嘅睇法。

  • 搵出衝突嘅原因， 一齊商討解決嘅方法。

  • 如果雙方喺討論意見嘅過程中有爭辯﹑情緒激動，儘量暫時離開唔愉快嘅環境，避免作出情緒化嘅行為，例如動手、拋擲物件等。

  • 就算同對方嘅諗法同價值觀唔一樣，都願意接納﹑尊重對方。

• 當身邊嘅人令我哋失望時，我哋可以試吓：

  • 諗下自己對對方有咩期望，呢個期望其實係咪對方真係可以達到的。

  • 多諒解同包容對方嘅限制，同調整對對方嘅期望。