覺得人生無意義

當覺得人生好空虛，內心好似好空洞嘅時候，我哋可以試吓：

• 學習接納同容許自己有呢種負面嘅感覺，人生的確都有無聊嘅時候。

• 了解吓自己過去有冇太著重別人嘅期望（例如朋友﹑父母﹑社會），而忽略左自己嘅感受同諗法; 學習問多啲自己想點，搵返自己想要嘅生活。

• 暫時放低手頭上嘅事情，搵個時間一個人靜落嚟，同自己傾吓計，聽下自己心裡面嘅諗法。諗吓自己嘅人生觀同願景，同埋對自己真正重要嘅人、事、物。 

• 走出自己嘅舒適區，對身邊嘅事情保持好奇心，發掘新嘅嗜好同興趣。

• 同自己信任嘅人或者朋友分享你嘅感受，一齊探索新嘅可能性。（記住：有時如果大家同時覺得絕望，可能有機會強化大家嘅負面情緒，就更弊! 所以最好睇吓身邊有冇啲信得過，又比較識得處理自己情緒嘅人，搵佢哋傾吓）