做乜都無乜心機

當覺得成日都提不起勁，無動力去做任何事情，我哋可以試吓：

• 了解多啲自己冇心機嘅原因 （例如最近係咪發生左唔開心嘅事情），明白同接納自己都會有情緒低落嘅時候。

• 每日幫自己訂下一啲簡單嘅目標（例如出街散步），儘量按計劃完成。

• 同一啲令自己覺得舒服嘅朋友保持聯絡，同佢地傾吓計、出吓街、試吓做啲有趣嘅事情。（記住：有時如果大家同時覺得好冇心機，可能有機會強化大家嘅負面情緒，就更弊! 所以最好睇吓身邊有冇啲信得過，又比較識得處理自己情緒嘅人，搵佢哋傾吓）

• 做多啲運動，因為身體活動可以令大腦釋放安多酚同多巴胺，令人有正面同快樂嘅感覺。