Question 1

抑鬱症患者冇動力只係偷懶嘅藉口啫？

Accepted Answer

抑鬱症嘅患者會變得冇動力，唔想參加活動，甚至無辦法返工返學，呢啲都係抑鬱症嘅核心症狀。佢哋唔係淨係辛苦嘅事情唔想做，甚至連自己鍾意做嘅興趣同嗜好，都會冇辦法進行，呢啲都唔係患者可以自我控制。

Question 2

食完抗抑鬱藥，我係咪會開心番？

Accepted Answer

抗抑鬱藥係用嚟治療抑鬱症嘅藥物。抑鬱症病發嘅原理係腦部嘅化學物質，以及神經系統失調，而導致抑鬱症狀嘅出現。抗抑鬱藥唔會令人腦製造快樂嘅感覺，但係會幫助腦部功能回復正常，從而令你重拾感受快樂、生活動力、理性地思考嘅能力等等，讓你更有能力去解決問題。呢啲問題好多時就係壓力及抑鬱情緒嘅來源。

Question 3

精神病係咪醫唔好架？

Accepted Answer

同生理病一樣，精神病患者越早察覺問題而作出治療便越好。只要治療適當，定時食藥同覆診，大部分都能穩定病情，重拾正常嘅生活。

Question 4

我幾時先應該尋求協助？

Accepted Answer

我哋每個人都可能會不時感到精神壓力或情緒波動，係正常嘅現象。但係當你覺得你嘅生活各方面開始因為呢啲狀況而受到影響，超出你嘅控制範圍之內，令你受到困擾，甚至構成功能障礙，就需要考慮尋求協助。

Question 5

精神病患者係咪一定要住院治療?

Accepted Answer

大部分患者只需要係門診接受治療。只係當精神狀態唔穩定，或可能會對自己或其他人作出傷害時先會住院，務求儘快穩定病情及進行適切的治療。

Question 6

睇精神科係咪一定要食藥？

Accepted Answer

輕微嘅情緒病，例如輕微抑鬱，很多時未必需要藥物治療，可以先接受心理治療同改變生活習慣，包括做多啲運動，作息定時等等。而中度至嚴重程度嘅患者，可能需要接受心理治療與藥物治療。

headwind 迎風

最常見對精神病嘅誤解