沉迷玩手機

• 手機嘅電子世界真係好吸引，可以上網，又可以打機，又可以同朋友傾計。

• 有時候，一放低部手機，個人好似會miss out 咗啲嘢咁。不過，成日用手機可能會影響集中力，唔可以專注做好手頭上嘅嘢，或者唔捨得瞓覺，搞到第二朝冇咩精神。

• 我哋可以試吓：

  • 暫時用一用「飛行模式」或「請勿打擾」模式，唔會俾啲即時訊息分散注意力。

  • 嘗試指定喺某啲時間（例如溫書或食飯時）唔用手機。

  • 將手機放喺睇唔到嘅地方， 例如喺睡房以外嘅地方。

  • 將成日用嘅Apps放喺檔案入面，唔好放喺主頁，或者刪除（起碼一陣！）令自己上癮嘅Apps。

  • 做其他嘢轉移注意力，例如做運動﹑去戶外行一行等（而過程中放低手機），嘗試慢慢改變機不離手嘅習慣。