​社會氣氛

如果將過多嘅時間同精力放係留意新聞同最新嘅局勢發展，或者會影響咗日常生活，我哋可以試吓：

• 搵時間休息同埋多啲同身邊嘅人互動、傾計。

• 趁空閒時做我哋有興趣嘅活動。

• 保持良好嘅生活習慣（例如維持良好嘅睡眠質素同飲食習慣，進行適量嘅運動）。

如果因政見不同而多咗同其他人發生衝突或口角，我哋可以試吓：

• 先聽吓對方嘅意見同埋原因，唔駛急於表達自己嘅諗法。先聽取別人嘅諗法可以令人感受到尊重，可能稍後佢更願意聽我哋嘅睇法。

• 如果雙方喺討論意見嘅過程中有爭辯，我哋可先行暫停，並離開討論嘅位置，到旁邊稍作休息，重整論點同論據，待冷靜後再討論。

• 避免作出情緒化嘅行為，例如動手、拋擲物件等，有可能傷害到對方身體，甚至影響雙方原有嘅關係和信任。