top of page

類別語意流暢度測驗

乜嘢係類別語意流暢度測驗？

 

你依家可以試下手機鏡頭，錄住自己，

然後喺一分鐘內，

盡量講出不同的名動物名 ，

所講嘅數目愈多愈好。

呢個就係類別語意流暢度測驗。

  • 呢個係其中一個最常用嘅認知功能評估測驗，可以評估到唔同嘅認知功能，包括語言智能，語義處理和語義存儲的執行控制

  • 喺類別語意流暢度測驗，參加者需要跟從一啲俾咗嘅音位規則(例如個字係由字母“F”, “A”, “S”開始(英文測試)，或者跟從一啲語義規則(例如動物名、生果名) ，然後盡量列舉唔同項目，愈多愈好。

語意流暢度同大腦有咩關係?

功能性神經成像研究表明，唔同嘅神經基質，例如左前額葉皮層(left prefrontal cortex)同左顳葉(left temporal lobe)，分別參與咗語義流暢中嘅語義處理同長期語義存儲嘅執行部分。

分組與切換

​

  • 當我哋睇一個人嘅語意流暢度時，我哋可以分別睇吓佢分組(即係將啲嘢分類) 同埋切換(即係將啲嘢轉去另一個類別)嘅表現。

  • 參加者傾向將語義相關嘅字歸納做同一組(分組)；當佢哋喺同一個組入面再諗唔到例子嘅時候，佢哋就會轉去另一個組別(切換)。

Picture 1.png

分組與切換嘅例子

​

  • 試喺一分鐘內儘量講出不同嘅動物名

  • 馬、牛、綿羊、豬、貓、狗、兔子、鳥、烏龜、魚、
    海馬、海豚、鯊魚、鯨魚、大象、長頸鹿、獅子、老虎、猴子…

    第一組(家畜):馬、牛、綿羊、豬
    第二組(寵物):貓、狗、兔子、鳥、烏龜
    第三組(海洋動物):魚、海馬、海豚、鯊魚、鯨魚
    第四組(動物園動物):大象、長頸鹿、獅子、老虎、猴子

切換同大腦有咩關係？

Picture 2.png

前額葉

Frontal-lobe 

  • 語義流利度嘅切換可以反映參加者前額葉 (frontal-lobe) 嘅功能。
     

  • 病變 (frontal lobe lesions) 患者嘅切換減少，可能係因為詞項搜索過程嘅起始性同靈活性差咗。
     

  • 切換涉及不同心理表徵之間嘅競爭。
    切換果陣，下一組會有較弱嘅激活，而呢一個激活喺前一組已經出現過

切換同多巴胺有咩關係?

Picture 3.png

多巴胺(dopamine)可以根據不斷變化嘅外部刺激需求，去促進適應目標導向嘅行為，而回應外部提示嘅切換涉及到抑制當前做緊嘅行為、行為適應同維持新嘅回應。

​

多巴胺會發出停止信號，並幫助抑制中正在進行嘅動作。

多巴胺亦都同急速行為切換有關。

越高嘅多巴胺狀態，就越少抑制思維之間嘅切換，所以讓我哋喺唔同場合做出適當嘅行為。

切換同精神病有咩關係

Picture 4.png

  • 有研究發現，曾經接受過蒼白球燒灼術(pallidotomy)或腦深層電刺激(deep brain stimulation)嘅帕金遜症患者，佢哋嘅多巴胺能前額竇迴路(dopaminergic frontostriatal circuit)已經受到破壞，而呢啲破壞會減少佢地切換嘅次數

  • 中樞高多巴胺痛 (central hyperdopaminergia) 嘅年輕、中年及年長精神分裂症患者， 有明顯嘅切換缺失。

  • 為令切換有效地發生，我哋需要最佳水平嘅中樞多巴胺(central dopamine)。

切換同眨眼有咩關係？

  • 即時眨眼係一個有效同方便嘅方法去量度我哋中樞嘅多巴胺水平

  • 中樞多巴胺系統嘅活動能夠被即時眨眼嘅表現反映。

  • 我哋可以透過觀察參加者即時眨眼嘅表現，去探索中樞多巴胺系統同語意流暢度測驗嘅表現。

Picture 5.png

如果想知多啲眨眼嘅有趣知識，可以去呢度 ＞傳送門

類別語意流暢度測驗

你依家可以睇返自己一開頭錄低嘅片，再留意下自己每次切換組別時候嘅表情，特別係眼部活動，有咩唔同？

研究顯示眨眼次數同切換有明顯嘅正向關係，即係眨眼次數越多，切換次數越多。

最後，我哋希望你知道⋯⋯

  • 睇一個人嘅語意流暢度時，可以睇佢嘅分組同切換。

  • 切換同大腦功能及多巴胺活動都好有關係。

  • 部分精神病(如思覺失調同帕金遜症等)患者，喺類別語意流暢度測驗嘅表現同健康人士有明顯差異。

bottom of page