好多嘢擔心

當腦海裡不停諗住自己所擔心嘅野，我哋可以試吓：

• 理性分析自己所擔心嘅有冇實質嘅證明，積極嘗試搵方法解決問題。

• 係記事簿寫低呢啲擔心，然後將記事簿放係一邊，然後同自己講遲啲先處理呢啲擔心。

• 做多啲令自己放鬆嘅練習（例如靜觀呼吸）或者運動（例如跑步、瑜珈），分散注意力。

• 同自己信任嘅人或者朋友分享自己嘅擔心，等佢哋可以了解吓點樣可以幫到自己。（記住：有時如果大家同時覺得好擔心，可能有機會強化大家嘅負面情緒，就更弊! 所以最好睇吓身邊有冇啲信得過，又比較識得處理自己情緒嘅人，搵佢哋傾吓）